हंबीरराव नाईक (अण्णा) यांच्यावर चिखली येथे अंत्यसंस्कार

शिराळा,ता.७:चिखली (ता शिराळा )येथील

सर्जेरावदादा नाईक शिराळा सहकारी बँकचे संस्थापक, माजी अध्यक्ष हंबीरराव सर्जेराव नाईक (अण्णा) (वय ८६) यांचे अल्पशा आजाराने निधन झाले.त्यांच्यावर चिखली येथे नाईक कुटुंबीयांच्या उपस्थितीत अंत्यसंस्कार करण्यात आले

बॅंकेचे विद्यमान चेअरमन संजय नाईक यांचे वडील, माजी शिक्षण सभापती उदयसिंगराव नाईक यांचे जेष्ठ बंधू आणि आमदार मानसिंगराव नाईक यांचे चुलते होते.

हंबीरराव नाईक यांचा जन्म २१ सप्टेंबर १९३४ ला चिखली येथे झाला. प्राथमिक व माध्यमिक शिक्षण चिखली येथे झाले. त्यांचे पदवी शिक्षण

स्थापत्य अभियांत्रिकी मध्ये राजाराम कॉलेज कोल्हापूर मध्ये झाले .त्यांनी वारणा व विश्वास कारखाना चिखली येथे इरिगेशन प्रमुख म्हणून काम केले. विश्वासराव नाईक कारखान्याचे वीस वर्षे संचालक होते. त्यानी पाणी पुरवठा संस्था, सेवा संस्था, पतसंस्था स्थापन केल्या आहेत.

सन १९९७ साली शिराळा तालुका अर्बन बँकेची स्थापना केली.या बॅंकेचे सर्जेराव दादा नाईक बॅक नामकरण केले. बॅकेचे वीस वर्षे अध्यक्ष होते.

बॅकेच्या चार जिल्ह्यात १३ शाखा सुरू आहेत. पश्चात एक मुलगा तीन मुली पत्नी असा परिवार आहे.यांच्या निधनाने शिराळा तालुक्यात शोककळा पसरली आहे. रक्षाविसर्जन शनिवारी ता.९ रोजी आहे.