शिराळा येथे सह्याद्री खरेदी विक्री संघाच्या विशेष सर्वसाधारण सभेत मार्गदर्शन करताना सत्यजीत देशमुख.

शिराळा,ता.२३:सह्याद्री खरेदी-विक्री संघामार्फत खत निर्मिती प्रकल्प उभारण्याचा संकल्प असून शेतकऱ्यांच्या उन्नतीसाठी संघाने प्रयत्न करावेत असे आवाहन माजी जिल्हा परिषद उपाध्यक्ष सत्यजित देशमुख यांनी केले.

शिराळा येथे सह्याद्री खरेदी विक्री संघाच्या ३६ व्या वार्षिक सर्वसाधारण सभेत बोलत होते. संघाचे चेअरमन संपतराव देशमुख अध्यक्षस्थानी होते.

यावेळी सत्यजित देशमुख म्हणाले, स्वर्गीय शिवाजीराव देशमुख साहेब यांनी शेतकऱ्यांना मदत व्हावी या उद्देशाने संघाची उभारणी केली. शेतकरी, सभासद केंद्रबिंदू मानून संस्थेचा आर्थिक स्तर उंचावण्यासाठी नवीन प्रकल्प उभारण्याचा प्रयत्न करणे गरजेचे आहे. त्यादृष्टीने यापुढील काळामध्ये संघाने प्रयत्न करावेत.

अहवाल वाचन बाळासो शिंदे यांनी केले. स्वागत व प्रास्ताविक बी जी.पाटील यांनी केले.

यावेळी संस्थेचे उपाध्यक्ष आनंदराव पाटील,माजी जिल्हा परिषद सदस्य बाळासाहेब पाटील, महादेव कदम, के.डी. पाटील,प्रदीप कदम,बाजार समिती सभापती सुजित देशमुख, माजी उपसभापती आनंदराव पाटील, बाजीराव शेडगे,मानसिंग पाटील, विठ्ठल नलवडे, व्ही.डी.खोत, शांताराम जाधव, देवेंद्र पाटील, संजय चव्हाण,राजाराम खाडेकर,शंकर पवार, केशव जाधव,शिवाजी चव्हाण उपस्थित होते.