शिराळा: येथील शिराळा - कदमवाडी रस्ता येथे बिबट्यांनी हल्ला करून कुत्रे ठार मारले. गुरुवारी रात्री नऊ वाजता सदरचा प्रकार घडला. शिराळा शहरात कदमवाडी रस्त्यालगत संजय दत्तात्रय कदम यांचे घर आहे. त्यांचे कारवान जातीचे दोन पाळीव कुत्रे आहेत. यातील एक कुत्रे बाहेर सोडून दिले असता त्याच्या पाठीमागे गेली काही क्षणात त्यांच्या पुढे बिबट्याने झेप घालून त्यांच्या समोर कुत्रे ओढत घेऊन गेला. रमा कदम यावेळी थोडक्यात बचावल्या. त्या नंतर मोठी गर्दी झाली. थोड्या वेळात वनक्षेत्रपाल एकनाथ पारधी यांच्या मार्गदर्शनाखाली वनपाल अनिल वाजे, वनरक्षक हणमंत पाटील, संतोष कदमयांनी भेट देऊन परिस्थितीची पाहणी केली. या परिसरात आणखी काही दिवस बिबट्याचा वावर असणार आहे. बिबट्या नर व मादी त्यांची दोन पिले या परिसरात फिरत आहेत. त्यामुळे परिसरात भीती व दहशतीचे वातावरण आहे. परिसरातील लाईट व वीज पुरवठा सुरळीत ठेवणे आवश्यक आहे. आठवड्या पूर्वी शहाजी यादव, संतोष कदम हे दिवसा शेताला पाणी देण्यासाठी गेले असता त्यांना बिबट्या दिसला होता. या परिसरात बिबट्याचा वावर वाढल्याने त्याचा तातडीने बंदोबस्त करावा अशी नागरिकांची मागणी आहे.
0 Comments