शिराळ्यात चोरी Theft at Shirala

 शिराळा,ता.९ : शिराळा येथील कदम गल्ली मध्ये अज्ञात चोरटय़ांनी घराची कौले काढून ५ तोळे ४ ग्रॅम  सोन्याचे दागिने चोरून नेले. याबाबत खाशाबा दादा पाटील (वय ७० )यांनी शिराळा पोलिसात फिर्याद दिली आहे. ही घटना १९डिसेंबर सकाळी ते २१ डिसेंबर सायंकाळी पाच दरम्यान घडली.या बाबत शिराळा पोलीसात अज्ञात विरोधात चोरीला गुन्हा दाखल करण्यात आला आहे.

याबाबत  शिराळा पोलीसांकडून मिळालेली माहिती अशी की, खाशाबा पाटील यांच्या बंद घरावरील  अज्ञात चोरटय़ांनी  कौले काढून घरात प्रवेश केला. घरातील कपाटाचे  लॉकर उचकटून साठ हजाराचे दोन तोळ्याचे मंगळसूत्र ,चाळीस हजार रुपयाचा दीड तोळ्याचा नेकलेस, चाळीस हजाराची दीड तोळ्याची चैन ,दोन  हजार रुपये किमतीच्या दोन  ग्रॅमच्या दोन कानातील बाल्या ,एक हजार रुपये किमतीच्या दोन  ग्रॅमच्या  नाकातील दोन नथ ,असे   ५ तोळे ४ ग्रॅमचे दागिने लंपास केले आहेत.पुढील तपास सहायक पोलीस निरीक्षक राहुल अतिग्रे करत आहेत.