व्हाट्सअप ग्रुपच्या सामाजिक बांधिलकी ने सावरले एक कुटुंब

 

आजच आपली जाहिरात बुक करा फक्त १००० रुपयात वर्षभरासाठी आणि प्रत्येक महिन्यासाठी फक्त १०० रुपये प्रत्येक बातमी सोबत. संपर्क ९५५२५७१४९३

 

सातारा जिल्ह्यातील ब्रिलियंट अकॅडमी जुनिअर कॉलेज ऑफ सायन्स कराड च्या ---अंकलेश मलबिंग राजपिरोहित हा विद्यार्थी ४०० पैकी ३८८ गुण मिळवून देशात ६ वा आला आहे, तसेच अवंतिका किशोर पिसे हिचा देशात १० वा क्रमांक आला आहे. जेईई मेन २०२५ परीक्षेत कराडच्या ब्रिलियंट अकॅडमीचे विद्यार्थी सातारा जिल्ह्यात प्रथम. जेईई पेपर २ आर्किटेक्चर परीक्षेत देखील ब्रिलियंटची विद्यार्थीनी गार्गी सूर्यवंशी जिल्ह्यात प्रथम. संपर्क 9890881782,9766293909 . इस्लामपूर येथे कार्यालयीन कामासाठी महिला लिपिक पाहिजे.आकर्षण पगार मिळेल.संपर्क-9766293909------शिराळा येथे २४ तास सुरु झाली "श्रीराम अभ्यासिका" -संपर्क ८६२३०५५६४६ ,८६२३८६३६८६-------HSRP (हाय सिक्युरिटी रजिस्ट्रेशन प्लेट) वापरा RTO नविन नियमानुसार सर्व वाहनांच्या नंबरप्लेट आजच बुकींग करा.MH 324 मान्यताप्राप्त (HSRP) फिटिंग सेंटर सवेरा मोटर्स लक्ष्मी चौक, शिराळा ता. शिराळा.मो. 9850593230 / 8623040450 .

शिराळा,ता.५: समाज माध्यमातून जुने आणि मित्र,मैत्रीण जोडून अनेक वर्गमित्रांचे व गावच्या नावाचे व्हाट्सअप ग्रुप तयार झाले.त्या ग्रुपवर अनेक शुभेच्छा,श्रद्धांजली,शुभ सकाळ,शुभरात्री,निवड,विनोद यांचे संदेश सुरु झाले. गेट टुगेदर झाले.असे ग्रुप केवळ टाईमपासचे ग्रुप झाले.मात्र काही ग्रुपने केवळ टाईमपास न करत सामाजिक बांधिलकी जोपासली जाते.अशीच सामाजिक बंधिलकी जोपसणाऱ्या गिरजवडे( ता.शिराळा)"आम्ही गिरजवडेकर "या व्हाट्सअप ग्रुपच्या सदस्यांनी विजेच्या धक्क्याने म्हैस मेलेल्या गरीब मोंडे कुटुंबियांना  २७७५५ रुपये देऊन नवीन म्हैस खरेदी साठी मदतीचा हात पुढे केला. त्यामुळे त्या कुटुंबाला अर्थिक व मानसिक आधार मिळाल्याने जगण्याची नवी उमेद मिळाली.

गिरजवडे पैकी मोंडेवाडी (ता.शिराळा) येथील संगीता मोहन मोंडे ह्या रविवारी (ता २७) रोजी आपली जनावरे घेवून  दुपारी २ च्या सुमारास शेतामध्ये चाराय ला घेऊन जात असताना घागरेवाडी येथील पाझर तलाव येथील विजेच्या खांबावरील तार तुटून रस्त्यावर असणाऱ्या ओढयावर पडली होती. त्या ओढ्याच्या पत्रातून वाट असल्याने पाण्यात तार पडल्याने दिसून येत नव्हती.त्या ओढयातून जात असताना सुरवातीला असणऱ्या गाभण म्हैशीचा  त्या  विजेचा तारेवर पाय पडल्याने तिला विजेचा धक्का बसल्याने ती जागेवरच कोसळून ठार झाली .त्यामुळे पाठीमागे असणारी एक म्हैस व दोन लहान  रेड्या बुजून पाठीमागे पळाल्या. संगीता यांच्या डोळ्यासमोर पोटच्या मुला प्रमाणे सांभाळलेल्या म्हैशीचा मृत्यू झाल्याने त्यांनी त्या ठिकाणी टाहो फोडला .त्यांनी जवळ जाऊन पहिले असता विद्युत तार तुटलेली दिसली. ही माहिती  मोंडेवाडीतील ग्रामस्थांना कळताच त्यांनी तात्काळ वायरमन उद्धव ओंडकर  यांच्याशी  संपर्क करून माहिती दिली. त्यांनी घटनास्थळी  येऊन पाहणी केली.टाकवे येथील पशुवैद्यकीय अधिकारी  डॉ.किरण  शिसाळ यांनी शवविच्छेदन केले.यावेळी आनंदा मोंडे,पांडुरंग मोंडे,आप्पासो मोंडे,साहिल मोंडे, रघुनाथ मोंडे, संतोष घागरे,अशोक घागरे, पोलीस पाटील मोहन घागरे,घागरेवाडीचे सरपंच विक्रम खोचरे,शहाजी घागरे उपस्थित होते. 

जगण्याचा आधार मिळाला 

संगीता आणि सावित्री ह्या दोघी सवती.चार वर्षापूर्वी अर्धांगवायुने पतीचे निधन झाले. पोटी विजय वय (१८)व  दीपक (१६) ही दोन मुल.पण नियतीने त्यांच्या ही जीवनात मूक बधिरता दिली आहे. आलेले दु:ख पचवत संसाराचा गाडा सुरु होता. २० गुंठ्याच्याआत जमीन .त्यामुळे त्या दोघी सवतीवर कुटुंबाचा भार असल्याने रोजंदारीवर व दोन म्हैशीवर उदरनिर्वाह सुरु आहे. मात्र दोन पैकी एका म्हैशीचा मृत्यू झाल्याने या कुटुंबाचा जगण्याचा आधार गेला आहे.त्यामुळे या कुटुंबावर दुःखाचा डोंगर कोसळला आहे.त्यांना या संकटातून बाहेर काढण्यासाठी गावातील   आम्ही गिरजवडेकर "या व्हाट्सअप ग्रुपच्या सदस्यांनी मदतीचे आवाहन करून त्यांना २७७५५ रुपये देऊन नवीन म्हैस खरेदी साठी मदतीचा हात पुढे केला.