वारणा धरणात २३.१६ टी एम सी पाणीसाठा

शिराळा,ता.२८ : शिराळा तालुक्यात इतरत्र पावसाचा चार दिवसा पासून जोर कमी असलात तरी चांदोली धरण परिसरात पावसाची संततधार कायम आहे.२४ तासात चांदोली येथे ५७ मी.मी.तर ८ तासात १२ मी.मी तर आज अखेर ९५३मी.मी. पावसाची नोंद झाली आहे. धरणात २३.१६ टी.एम.सी.म्हणजे ६६.८२ टक्के पाणीसाठा झाला आहे.सकाळी सहा वाजता वारणा धरणात ६१४.२० मीटर पाणी पातळी तर पाणीसाठा ६५० .९७५ द.ल.घ.मी झाला आहे.

गत वर्षी ११.१३ टीएमसी पाणीसाठा होता .आता यावर्षी २३ टीएमसी पाणीसाठा झाल्याने गत वर्षाच्या तुलनेत पावणे १२ टीएमसी पाणीसाठा वाढला आहे.धरणात पाण्याची आवक ७५३९ क्युसेसने सुरु आहे.असून वारणा जलविद्युत प्रकल्पातून १७३५ कुसेस ने विसर्ग सुरु आहे. गत वर्षी जून महिन्यात आज अखेर ४१५ मी.मी. पाऊस झाला होता.यावर्षी ९४१ मी.मी.पाऊस झाल्याने गत वर्षाच्या तुलनेत या वर्षी ५२६ मी.मी.पाऊस जास्त झाला आहे.शिराळा तालुक्यातील कोकरूड व शाहुवाडी तालुक्यातील रेठरे दरम्यानचा वारणा नदीवरील बंधारा ९ दिवसापासून पाण्याखाली असल्याने दोन्ही तालुक्यातील काही गावांचा जवळचा संपर्क तुटला आहे.शिराळा येथील मोरणा धरण व वाकुर्डे बुद्रुक(करमजाई),अंत्री बुद्रुक(मानकरवाडी),शिवणी,टाकवे ,रेठरे धरण येथील तलाव असे एकूण पाच तलावात पूर्ण क्षमतेने भरले असून कार्वे तलाव भरणे बाकी आहे.

चौकट-मंडलनिहाय पडलेला पाऊस कंसात एकूण पाऊस मिली मीटर मध्ये असा...
कोकरूड १७.८ (५०४.७)
शिराळा - (२४६.४ )
शिरशी ६.३ (३७५.२ )
मांगले -१७.५ (२५३.७ )
सागाव - १४.८ (२६९ )
चरण ३७.५ (७४७.१)
वारणावती ५७ (९४१ )