शिराळा,ता.२:येथे मोरणाराज कामगार असोसिएशनच्यावतीने १ मे जागतिक कामगार दिनानिमित्त स्नेह मेळावा व सन्मान सोहळा व्यापारी असोशिएशन येथे संपन्न झाला.यावेळी कामगारांसाठी मोफत आरोग्य तपासणी शिबिर ही घेण्यात आले.त्यास चांगला प्रतिसाद मिळाला.
असोसिएशनच्यावतीने समाजातील विविध क्षेत्रातून गोरगरीब लोकांसाठी शैक्षणिक,सामाजिक,वैद्यकीय बांधकाम,पत्रकारिता, उद्योग व आरोग्य यांचे माध्यमातून उपेक्षितांच्या विविध प्रश्नांवर प्रामाणिक व उल्लेखनीय कामगिरी केल्याबद्दल राज्यस्तरीय पुरस्काराचे वितरण करण्यात आले.यावेळी आमदार सत्यजित देशमुख यांच्या हस्तेआदर्श शिक्षक प्रा.डॉ.तानाजी हवलदार, आदर्श वैद्यकीय सेवा डॉ.कृष्णा जाधव,आदर्श उद्योजक सूर्यकांत जाधव,आदर्श पत्रकार शिवाजीराव चौगले,आदर्श आरोग्य सेवक विजय कांबळे,आदर्श अभियंता रोहन शिंदे यांना गौरविण्यात आले.स्वराली चौगुले व शब्दाली चौगुले ह्या अभियंता झाल्याबद्दल त्यांचा विशेष सत्कार आमदार सत्यजित देशमुख यांच्या हस्ते यावेळी करण्यात आला.
.jpg)
यावेळी आमदार देशमुख म्हणाले,मारुती रोकडे यांनी कोणती ही राजकीय पार्श्वभूमी नसताना कामगारांसाठी सामाजिक दृष्टिकोनातून केलेले संघटन कौतुकास्पद आहे.कामगार हाच खरा गौरवशाली महाराष्ट्राचा कणा आहे.बांधकाम कामगारांच्या मुलांना तात्काळ शिष्यवृत्ती देण्यासाठी आमचे प्रयत्न सुरु आहेत.३ वर्षे नोंदणी असणाऱ्या कामगारांना अटल घरकुलचा लाभ तात्काळ स्वयं घोषणा पत्रावर मिळावा यासाठी पाठपुरावा सुरु आहे.ही सामाजिक चळवळ मारुती रोकडे यांनी पुढे घेऊन जावे.
वाळवा शिराळा वनश्री को-ऑपरेटिव्ह संघाचे अध्यक्ष सम्राट महाडिक म्हणाले,कामगारांची संघटना व संघटन महत्वचे आहे.या जोरावर आता कामगारांना अनेक शासकीय योजनांचा लाभ मिळत आहेत.या कामगार असोसिएशनला आमची नेहमीच सहकार्य राहील.
सचिन मल्टी स्पेशलिटी हॉस्पिटल कोल्हापूरचे मुख्यकार्यकारी अधिकारी डॉ.विकास बामणे यांनी कामगारांना हृदयआरोग्या विषयी घ्यावयाची काळजी याबद्दल मार्गदर्शन केले.
यावेळी प्रा. सम्राट शिंदे,डॉ,कृष्णा जाधव,डॉ.तानाजी हवलदार यांनी आपले मनोगत व्यक्त केले.कार्यक्रमाची स्वागत व प्रास्ताविक कामगार असोसिएशनचे संस्थापक अध्यक्ष मारुती रोकडे यांनी केले.सूत्रसंचलन वृषाली पवार यांनी केले.
यावेळी डॉ.नितीन जाधव,सुभाष इंगवले, के.एन.कुंभार, प्रतापराव पाटील,संदीप मदने,सुनील तांदळे,शालन मोहिरे,मंगल पाटील,पूनम रोकडे,अमर पाटील,बसवेश्वर शेटे,माजी नगराध्यक्षा सुनंदा सोनटक्के,वाकूर्डे खुर्द महिला सरपंच शीतल पाटील,करमाळे सरपंच सचिन पाटील,प्रज्ञा चरणकर,अशोक सावंत,शिवाजी कदम,रवी यादव,अमोल साठे,पूजा साठे,राकेश कांबळे,अवधूत गुरव,राजू कांबळे,मनीषा पाटील,कृष्णा पवार,विद्या कांबळे,सादिक पिरजादे,पार्थ कांबळे,सदानंद टिळे,आबाजी मुजावर,नितीन गायकवाड,गोरख कांबळे,प्रल्हाद जाधव, उपस्थित होते.आभार पंकज खोत यांनी मानले.
0 Comments